Politika Rama publikon fotot dhe tregon kush ka përfituar padrejtësisht në skemën e...

Rama publikon fotot dhe tregon kush ka përfituar padrejtësisht në skemën e ndihmës ekonomike

Kryeministri i Shqipërisë, Edi Rama sapo ka postuar në rrjetin e tij social, Facebook fotografi që sipas tij dëshmojnë gabimet e sistemit të skemës ekonomike.

Postimi i tij i plotë:

Majtas vila e N.R në Vlorë që deri dje merrte çdo muaj ndihmë ekonomike, dhe djathtas shtëpia e R.B po në Vlorë që nuk përfitonte ndihmë ekonomike. Me skemën e re, N.R është përjashtuar dhe R.B, pjesë e komunitetit rom, është përfshirë në skemë.

Që N.R nuk kishte nevojë për ndihmë, kjo shihet qartë nga fotot. Fatkeqësisht, për vite me rradhë, N.R. padrejtësisht merrte pagesën që në fakt duhet t’i shkonte R.B prej vitesh.

Specialistët e Shërbimit Social Shtetëror, Ministrisë së Shëndetësisë dhe Mbrojtjes Sociale si edhe të Bankës Botërore po kryejnë të gjitha verifikimet e nevojshme për të rivlerësuar çdo gabim të sistemit. Ndërkohë, bashkive u është dyfishuar fondi, nga 3% në 6%, për të përfshirë në skemë në mënyrë të drejtpërdrejtë familje që nuk përfitojnë nga skema kombëtare.