Sport 30 vite nga tragjedia që tronditi futbollin anglez, ja çfarë ndodhi saktësisht...

30 vite nga tragjedia që tronditi futbollin anglez, ja çfarë ndodhi saktësisht (FOTO)

| Nga American Eye
Shpërndaje

Britania e Madhe po kujton sot 30 vjetorin e fatkeqësisë më të madhe në historinë e futbollit anglez.

Pikërisht më 15 prill 1989, 96 tifozë të Liverpool gjetën vdekjen në stadiumin Hillsborough në Sheffield, ndërsa 766 persona janë lënduar. Tragjedia filloi në dy stendat qendrore të caktuara për përkrahësit e Liverpoolit.

Pak para fillimit të lojës  mes Nottingham Forest dhe Liverpool, komandanti i policisë David Duckenfield kishte urdhëruar hapjen e portës C, duke çuar në fluks të tifozëve në stendat tashmë të mbipopulluara. Tifozët u shtypën njëri mbi tjetrin, dhe pasojat ishin katastrofale.

Në ditët dhe javët pas katastrofës, policia ushqente publiku me histori të rreme duke pretenduar se huliganizmi dhe dehja e tifozëve të Liverpoolit ishin shkaqet e katastrofës.

96 viktimat

Por raportet pas shumë hulumtimeve zbuluan se shkaku kryesor i katastrofës ishte një dështim i kontrollit nga policia, por se asnjë zyrtar i vetëm nuk doli para gjykatës lidhur me lëshimet që shkaktuan tragjedinë.

Katastrofa çoi në një sërë përmirësimesh të sigurisë në fushën më të madhe të futbollit anglez, sidomos në eliminimin e tarracave të forta për të gjitha stadiumet e të gjitha qyteteve.

Në përvjetorin e 10-të të katastrofës në vitin 1999, të paktën tre persona që i mbijetuan tragjedisë kishin kryer vetëvrasje, ndërsa një tjetër i mbijetuar kishte kaluar tetë vjet në kujdesin psikiatrik.