Pasi refuzoi rinovimin e kontratës me Arsenalin, uellsiani Aaron Ramsey vendosi të nënshkruajë për 4 sezone me Juventusin dhe iu bashkua bardhezinjve gjatë verës së kaluar, si një lojtar me parametra zero.
Megjithatë kur kanë kaluar disa muaj nga transferimi në Torino, Ramsey nuk po gjen hapësira në formacionin e Sarrit dhe deri tani ka luajtur vetëm 12 ndeshje, shumicën e të cilave ka ardhur nga stoli, dhe ka shënuar vetëm një gol.
Në Itali janë të bindur që aventura e uellsianit me bardhezinjtë ka përfunduar tashmë dhe në verë drejtuesit e Juventusit do të dëgjojnë të gjithë ofertat që vijnë në drejtim të tij, për të arkëtuar sa më shumë të jetë e mundur.
