Një rast i rrallë vjen nga Kosova, ku një fshatari në Vushtri, persona të panjohur ia kishin mbjellë tokën në pronësi të tij me bimë kanabis sativa.
Ngjarja ka ndodhur në fshatin Karaçë të Vushtrisë, kur Milazim Feka tregon se në tokën që kishte 20 vjet që nuk e punonte gjeti një sasi të madhe bimësh narkotike.
Sipas mediave kosovare, Feka tregon se bimët narkotike ishin zbuluar rastësisht nga i vëllai ndërsa kulloste dhentë.
Tashmë ata kanë bërë një denoncim në polici për rastin, e cila ka nisur hetimet për gjetjen e kultivuesve të bimëve narkotike.
