Një grua amerikane, kur tërhoqi 20$ nga një ATM, zbuloi se në llogarinë e saj kishte rreth 1 miliard dollarë.
Julia Yonkowski u habit kur pa se në llogari balanca totale tregonte shifrën 999 985 855, që do të thotë se ishte bërë personi i 615-të më i pasur në Amerikë.
Por, gruaja e ndershme thotë se po mundohet me të gjitha mënyrat që t’i kthejë këto para që nuk janë të sajat sa më shpejt që të jetë e mundur.
“U tmerrova. E di që shumë njerëz do të mendojnë se jam budallaqe, se më ka rënë lotaria, por unë u tmerrova. Doja të tërhiqja 20 dollarë, por bankomati më tha që do të kaloja në “overdraft”, kështu që e lashë fare. Nuk tërhoqa, por vendosa të kontrolloj balancën time. Shtanga kur pashë 1 miliard aty. Kam lexuar për njerëz që i kanë marrë, por pastaj janë detyruar që t’i kthejnë. Unë nuk do t’i merrja kurrë, pasi nuk janë paratë e mia”, tregon Julia.
