Armando Broja është kthyer në emrin më interesant te skuadra e Sauthempton, me klubin anglez që e ka të qartë se nga forma e tij do të varen shumë nga shpresat që ka për të mbijetuar në Premier Ligë. Kjo duket qartë edhe te rëndësia që i kanë dhënë futbollistit në ditën e fundit në rrjetet sociale.
Si fillim, klubi u ka bërë të qartë ndjekësve se Broja do të jetë një emër i cili do të dëgjohet shpesh në të ardhmen dhe nuk është thjesht një meteor nga të shumtët të cilët kanë qenë pjesë e klubit në Premier Ligë. “Kujtojeni këtë emër”, ishte postimi i anglezëve në faqen zyrtare në Instagram.
Ndërkohë, në Twitter kanë postuar të dhënat që mbështetin këtë ide. Klubi shpjegoi se në 6 ndeshje si titullar, ai ka shënuar 4 gola dhe asnjë lojtar i cili është 20 vjeç apo më i ri, nuk ka shënuar më shumë se Broja në këtë edicion në elitën e futbollit anglez.
Starts: 6️⃣
Goals: 4️⃣No player aged 20 or younger has scored more than @armandobroja9 in the #PL this season 🔥 pic.twitter.com/BN7322HNF5
— Southampton FC (@SouthamptonFC) December 18, 2021
