Aktualitet Aksidenti tragjik, humbin jetën katër femra

Aksidenti tragjik, humbin jetën katër femra

Një aksident i rëndë ka ndodhur në aksin rrugor Elbasan-Papër, ku 4 persona kanë mbetur të vdekur pas përplasjes së 3 automjeteve.

Policia ka bërë të ditur se në aksident janë përfshirë mjeti me drejtues shtetasin G.K, mjeti me drejtues shtetasin O.Sh dhe mjeti me drejtues shtetasin E.R.

Për pasojë katër shtetas kanë humbur jetën, të cilët ishin pasagjerë në mjetin që drejtohej nga shtetasi G.K. Ndërsa dy të tjerë janë jashtë rrezikut për jetën të cilët janë transportuar për ndihmë mjekësore në spital.

Katër viktimat po udhëtonin me mjetin tip “Seat”, ndërsa nga hetimet paraprake të policisë rezulton se parakalimi i gabuar ka shkaktuar edhe aksidentin.

Viktima janë Fatime Hoxha, Jonida Kotorri, Lume Hoxha dhe Fatushe Agolli.

Mësohet se viktimat ishin banues në Gramsh, ku 3 prej tyre ishin pjesë e së njëjtës familje.