Kosova Albin Kurti merr dozën e tretë kundër Covid dhe vaksinën kundër gripit

Albin Kurti merr dozën e tretë kundër Covid dhe vaksinën kundër gripit

Kryeministri i Kosovës, Albin Kurti, ka marrë sot dozën e tretë të vaksinës kundër Covid. Kurti po ashtu ka bërë dhe vaksinën kundër gripit.

Në një postim në mediat sociale, kreu i qeverisë së Kosovës shkruan se mundësia për të marrë të dyja vaksinat njëkohësisht, na jep mundësinë të mbrohemi nga të dyja sëmundjet.

“Sot e kam marrë dozën përforcuese të vaksinës kundër COVID-19 dhe vaksinën kundër gripit sezonal në të njëjtën kohë dhe të njëjtën qendër të vaksinimit. Mundësia për të marrë të dyja vaksinat njëkohësisht, na jep mundësinë të mbrohemi nga të dyja sëmundjet, për të mbrojtur veten dhe të tjerët.

Sidomos kur e gjithë bota po përballet me variantin e ri të virusit Corona, i cili pritet shumë shpejt të vijë edhe në Kosovë, është urgjente që të gjithë qytetarët mbi 18 vjeç të marrin dozën përforcuese të vaksinës sa të kalojnë gjashtë muaj pas marrjes së dozës së dytë”, është ky reagimi i Kurtit.