Videoja e një kanguri që vrapon i vetëm në mes të qytetit Adelaide, në Australi, është bërë virale në mbarë botën.
Kamerat e sigurisë të policisë australiane treguan se si kanguri ishte i vetmi që po kalonte në qendër të Adelaides, pikërisht në zonën më të frekuentuar e ku ndodhen qendrat e shumicës së bizneseve.
Përhapja e virusit COVID-19 ka bërë që qytetarët australianë të izolohen në të gjithë vendin.
Ata që munden, po punojnë nga shtëpitë, ndërsa të tjerët duhet t’u binden rregullave të distancimit social.
Australia është treguar e rreptë me respektimin e rregullave të distancimit social, dhe lufta me koronavirusin ka qenë mjaft e suksesshme.
Sot në Australi kanë nisur të regjistrohen më pak se 40 të infektuar në ditë.
Protective Security Officers tracked a suspect wearing a grey fur coat hopping through the heart of the #adelaide CBD this morning. He was last seen on foot heading into the West Parklands 🦘🚔👮#animaltakeover #whatsthatskip #kangaroo #cityslicker pic.twitter.com/JPyVXIYQRw
— South Australia Police (@SAPoliceNews) April 19, 2020
