Shefi i ushtrisë greke ka urdhëruar tërheqjen e menjëhershme të avionëve grekë nga jugu i Shqipërisë.
Me një urdhër të shefit të ushtrisë greke avionët “Canadair” janë larguar urgjentisht nga hapësira ajrore e Shqipërisë.
Tërheqjen e avionëve e ka konfirmuar edhe ministri grek i Rendit, Nikos Toskas.
Ai ka deklaruar se dy avionët Kanadair që po operonin në jug të Shqipërisë janë kthyer në territorin grek për të luftuar me flakët në zonën e Follorinës.
Braktisja e operacioneve në vendin tonë nga grekët vjen në një moment ku situata e zjarreve ka arritur kulmin.
Me largimin e dy avionëve, fronti i zjarreve në jug të Shqipërisë do të përkeqësohet akoma më shumë.
