Dikur emigrant me ëndërr amerikane, ndërsa sot Mike Bezos është babai i njeriut më të pasur në botë Jeff Bezos.
Në vitin 1962, Mike shkoi si emigrant në Amerikë nga Kuba, i veshur me një xhaketë që nëna e tij ja kishte qepur me dorë duke i bashkuar disa copa bashkë. Ishte thjesht një djalë i ri që udhëtonte vetëm dhe nuk dinte asnjë fjalë anglisht.
Kur mbërriti në Amerikë, në moshën 16-vjeçare, jo vetëm që i mungonte familja, por fliste vetëm spanjisht dhe nuk e kishte idenë se si do të mbijetonte. Por zemërimi për jetën e mjerueshme në Kubë, vendosmëria dhe optimizmi i tij bënë që t’ia dilte. Në fakt ky është statusi i hershëm në Twitter i Jeff Bezos për babanë e tij, për t’u kujtuar njerëzve që gjithçka mund të arrihet.
My dad came here from Cuba all by himself without speaking English when he was 16 years old, and has been kicking ass ever since. Thank you for all the love and heart, Dad! pic.twitter.com/nuavG0yEtM
— Jeff Bezos (@JeffBezos) June 17, 2018
Mike Bezos nuk është babai biologjik i Jeff, por ai e rriti. Nëna e Jeff, Jacklyn Gise u nda në 1965-ën nga burri i saj i parë dhe u martua në 1968-ën me Mike Bezos, i cili filloi punë si inxhinier në Teksas.
Babai i Jeff qëndroi për herë të parë në kampin Matecumbe, një kamp refugjatësh në Florida, për tre javë. Më vonë u dërgua në Wilmington, Delaware për të ndjekur shkollën e mesme, ku mori një bursë për të ndjekur më pas kolegjin në Albuquerque.
At the Statue of Liberty, where my dad’s being honored with a Liberty Star as part of the new museum’s opening. When he came here from Cuba at 16, not only was he all alone, but he only spoke Spanish. His grit, determination, and optimism are inspiring. #StatueofLibertyMuseum pic.twitter.com/DFhR3Dbf7p
— Jeff Bezos (@JeffBezos) May 16, 2019
