Barcelona dhe Liverpooli do të vihen përballë njëra-tjetrës të mërkurën, në sfidën e parë gjysmëfinale mes tyre në Champions League. Mjaftojnë emrat rivalë dhe atmosfera në prag të kësaj sfide ndizet shumë shpejt, e jo më deklaratat e protagonistëve.
Barcelona ka fituar 4 nga 5 ndeshjet e fundit të Champions League në Camp Nou, ndërsa pikë aty ka marrë vetëm Tottenhami, por Barça luante me rezerva në atë sfidë.
Provokimi
Gjithsesi, trajneri i Liverpool Jurgen Klopp nuk beson te mistika e famshme e stadiumit dhe premton se Liverpool nuk do të ketë frikë, ashtu si bëri në Allianz Arena, ku mundi Bayernin.
“Camp Nou është thjesht një stadium. Është shumë i madh, por nuk është tempull futbolli“, tha trajneri gjerman për DAZN.
“Përballja me Barcelonën do të vinte herët a vonë. Sheh ekipet e tjera që vuajnë në Camp Nou dhe tani e provon vetë. Natyrisht, ne shpresojmë të luajmë mirë, edhe pse e dimë mirë që nuk jemi favoritë. Do jetë një ndeshje fantastike për gjithë adhuruesit e futbollit”, theksoi Klopp.
Për Liverpool është një moment vendimtar i sezonit, sepse përveçse synon të triumfojë në Champions, është në garë për titull në Angli, ku Manchester City kryeson me një pikë më shumë, në një sezon rekordesh për dy kryesuesit e Premier League.
Kundërpërgjigjja
Klubi i Barcelonës, nëpërmjet një postimi në profilin e rrjetin social “Twitter” preferoi t’i kundërpërgjigjej trajnerit gjerman me elegancë, pa e përmendur trajnerin e Liverpool, duke publikuar një video të këtij impianti, ku katalanasit kanë shijuar sa e sa fitore.
“Ky është ‘Camp Nou’, shtëpia jonë, tempulli ynë, fortesa jonë”, shkruan Barcelona në postimin e saj që shoqëronte videon.
This is Camp Nou????
Our home. Our temple. Our fortress.⚔????
⚽#BarçaLFC
????????#WeColorFootball pic.twitter.com/UnmX7GSK80— FC Barcelona (@FCBarcelona) April 30, 2019
Ndërkohë, një ditë më parë Barcelona publikoi edhe një video tjetër, teksa prezantoi mozaikun me të cilin do të presin skuadrën angleze. Në këtë koreografi mbizotëronin ngjyrat e klubit dhe të flamurit katalanas, ndërkohë që do të formohet edhe fraza “Gati për të ngjyrosur Europën”.
