Kryeministri Edi Rama iu është përgjigjur me ironi akuzave të liderit të opozitës, Sali Berisha.
Duke postuar në rrjetet sociale një video të një bufi, Rama shkruan: “Bufi i kënetës është një plaçkitës folesh, i cili konsiderohet një rrezik edhe për shpendët shtëpiakë. Ai jeton mes zvarranikëve dhe amfibëve, me të cilët shuan edhe urinë. Trupi i tij grumbullon pesticidet dhe helmet kundër brejtësve, çka e bën helmues atë vetë. Konsiderohet edhe një specie shumë armiqësore ndaj diversitetit”.
Togfjalëshin “bufi i kënetës” kreu i qeverisë e ka përdorur shpesh ditët e fundit, duke iu referuar në këtë mënyrë kryetarit të Partisë Demokratike, Sali Berisha.
Reagimi i Ramës vjen pas Sali Berisha paralajmëroi sot kryeministrin që “të mos guxojë për protestë tjetër para SPAK”.
Kjo referuar, qytetarëve dhe punonjësve të bashkisë që u mblodhën para këtij institucioni në mbështetje të kryebashkiakut Erion Veliaj.
Sipas Berishës, në rast se kjo gjë përsëritet, opozita do të kundërpërgjigjet me protestë e cila thekson ai “do jetë përfundimtare për Ramën”.
