Kryesore Berisha: Ja kush janë 4 armiqtë e mi ndërkombëtarë

Berisha: Ja kush janë 4 armiqtë e mi ndërkombëtarë

I ftuar në emisionin “Opinion”, në Tv Klan, ish-kryeministri i vendit, Sali Berisha ka treguar 4 armiqtë e tij të huaj. Ata janë: Soros, Fylen, Gloveri, dhe Papadreu.

Sali Berisha: Në të gjithë karrierën time janë katër vetë të sulmuar nga unë. Sorosin, një armik i egër i qendrës së djathtë e vlerave së saj. Fylen, i cili dihet botërisht, e ka shkruar vetë që ka bërë shkollë zbulimi. Shkonte në Beograd të Nikoliçi dhe bënte deklarata kundër meje. Në atë kohë nuk më shkonte mendja. Duket se argatin e Prishtinës e kishte thes, dhe thoshte në Bruksel nuk është gjë ai, nuk kam punë me Hashim Thaçin. Tjetër ishte Gloveri për një periudhë. Ka qenë Papadreu, babë e birë të njëjtë janë. Në këto 30 vite nuk mund të mos kesh tre apo katër veta. Ti je shqiptar, si të duket ty kur Vlahutin si ambasadore deklaron se nuk ka nevojë për marrëveshje. Çfarë i thash unë? Europa është ndërtuar nga marrëveshjet dhe e çova pak më tutje, a përfaqëson Beogradin apo Brukseli.

Po Palmerin që i thoni dhëndër Serbie?

Sali Berisha: Po e ka nusen ai. E para e punës e shoqja e tij, është serbe apo malazeze. Dhe njëherë them, nëse ti mendon se unë e kam thënë atë për ta ofenduar, në asnjë mënyrë. Në trajtimin e problemit Kosovë-Serbi ajo ngjall mosbesim, kaq. Nuk e kam takuar kurrë atë, më duket një diplomat i shkathët dhe energjik, por se kam thënë atë, do i them ato.