Ekonomi Bota e zhytur në krizë, por jo për Elon Musk, bëhet njeriu...

Bota e zhytur në krizë, por jo për Elon Musk, bëhet njeriu i dytë më i pasur në botë

Elon Musk, kreu i trazuar i prodhuesit të automjeteve elektrike ”Tesla”, ka kaluar Bill Gates për t’u bërë njeriu i dytë më i pasur në botë, sipas klasifikimit të miliarderëve nga Bloomberg.

Pasuria e sipërmarrësit 49-vjeçar, i lindur në Afrikën e Jugut u rrit me 7,24 miliardë dollarë vetëm në një ditë, të hënën, duke u rritur në 128 miliardë dollarë.

Në fillim të këtij viti, Musk renditej në vendin e 35-të, por pasuria e tij u rrit ndjeshëm pasi kompania Tesla u bë pjesë e S&P 500.

Elon Musk 128 miliardë dollarë

Sipas “Bloomberg”, pasuria neto e 49-vjeçarit u rrit me 7,2 miliardë dollarë, duke shkuar në 127,9 miliardë, pas rritjes së aksioneve të Tesla-s.

Drejtuesi i ultramediave, i cili është gjithashtu bashkëthemelues i kompanisë hapësinore SpaceX, kishte kaluar tashmë në disa javë përpara Mark Zuckerberg, udhëheqësi i Facebook dhe Bernard Arnault, shefi i grupit luksoz LVMH.

Jeff Bezos 182 miliardë dollarë

Në podiumin e multi-miliarderëve, ai është vetëm pas Jeff Bezos, themeluesit të gjigandit të tregtisë elektronike Amazon, pasuria e të cilit vlerësohet në 182 miliardë dollarë.

Bill Gates 128 miliardë dollarë

Bill Gates përmbyll tre të parët me një pasuri të vlerësuar në 127,7 miliardë dollarë.

Ish-bashkëthemeluesi i Microsoft ka parë pasurinë e tij të shkrihet sepse ai i kushton një pjesë të mirë të saj Fondacionit Bill dhe Melinda Gates.