Mbreti i Malajzisë ka abdikuar vetëm pas dy muajsh në fron.
Sipas Daily Mail, Sulltani Muhammad V, 49 vjeç, dha dorëheqjen me efekt të menjëhershëm.
Nuk është dhënë asnjë arsye për këtë vendim, i pari në historinë e vendit. Muhammed V ishte bërë i famshëm pasi në nëntor u martua me ish-Miss Moskën në një ceremoni luksoze.
Në atë kohë u raportua se 25-vjeçarja Oksana Voevodina ishte konvertuar në myslimane.
Të martën, Sulltani Muhammad V njoftoi se bashkëshortja e tij 25-vjeçare është shtatzënë. Oksana Voevodina, ish-ylli televiziv në ekranet ruse, do të sjellë në jetë fëmijën e saj të parë.
“Çifti është duke pritur fëmijën e tyre të parë dhe është plotësisht i përkushtuar ndaj pasardhësit të ardhshëm”, shkruan sot gazeta më e madhe ruse, KP.
Pas martesës, çifti mbretëror kishte bërë vizitat e para në një klinikë të planifikimit familjar në Gjermani.
Gjatë kohës kur ushtronte modeling, 25-vjeçarja mori pjesë në një program televiziv, një ‘reality show’, ku bëri seks me një konkurrent në një pishinë.
Ajo është vajza e një mjeku dhe e ka fituar çmimin Miss Moska në vitin 2015. Modelja është 24 vjet më e re se i shoqi.
Sipas një sistemi unik, që prej shpalljes së pavarësisë nga Britania, në Malajzi mbreti qëndron në fron për një mandat 5-vjeçar.
