Kuriozitete Brazil, njihuni me shkollën ku merret një licencë e veçantë

Brazil, njihuni me shkollën ku merret një licencë e veçantë

Shkolla e babagjyshëve në Rio de Janeiro të Brazilit feston 25-vjetorin e krijimit të saj.

Njerëz nga i gjithë vendi regjistrohen në këtë shkollë për të marrë një certifikatë, që i lejon ata të punojnë si “babagjyshë”.

“Sot ne po përmbyllim punën e 700 të diplomuarve, jo vetëm nga Rio de Janeiro, por edhe nga i gjithë vendi, që kanë sjellë gëzim e harè kudo që kanë qenë”, tha një prej drejtuesve.

Babagjyshët shkojnë më pas në shkolla, nëpër lagjet popullore të Brazilit, apo qendra tregtare gjatë festave të dhjetorit.

“Cilësia më e mirë e babagjyshit është që ka dashuri në zemër dhe nuk e lë asnjëherë një fëmijë pa përgjigje. Jepni gjithnjë mesazhe pozitive dhe kujtoni ditëlindja e kujt është Krishtlindja”, tha një prej tyre.

Pas festës së Krishtlindjes, ata mbajnë një takim të quajtur “Barbas de Molho” (mjekra me pushime) për të shënuar fundin e punës së tyre, duke prerë mjekrat dhe duke shijuar më pas edhe një vakt me “spageti bolonjeze”.