Një fermë kanabisi 3-katëshe është zbuluar në një ish-disko në Koventri të Britanisë së Madhe. Policia vendase thotë se aty u gjetën më shumë se 1000 bimë, vlera e të cilave i kalon 1 milion euro.
Sipas policisë britanike, tre persona u arrestuan pas gjurmimit të tyre me dron.
Dy prej të arrestuarve janë shqiptarë, ndërsa i treti vietnamez. 24-vjeçari Andi Qani dhe 31-vjeçari Cao Van Vu do të dalin para gjyqit në 12 nëntor.
Ndërkohë, 28-vjeçari shqiptar Adrian Lieshaj rezulton i kërkuar edhe në Gjermani për grabitje dhe është objekt ekstradimi atje.
