Britania e Madhe është bërë vendi i parë që autorizoi një vaksinë COVID-19 të përshtatur me variantin Omicron, duke nisur një fushatë përforcuese të vjeshtës.
Autoriteti Rregullator i Barnave dhe Produkteve të Kujdesit Shëndetësor – i cili ishte i pari në botë që miratoi një vaksinë origjinale Covid-19 – i ka dhënë një autorizim të kushtëzuar vaksinës, e cila synon si llojin origjinal të virusit ashtu edhe Omicron BA.1.
Vaksina është e autorizuar për përdorim te njerëzit e moshës 18 vjeç e lart, por Britania e Madhe planifikon të përqendrojë programin e saj përforcues për t’u përgatitur për rastet në rritje gjatë
Moderna planifikon të dorëzojë vaksinat e para me dy lloje në dy javët e ardhshme, sepse ajo filloi prodhimin muaj para autorizimit.
Por edhe pse vaksina ofron mbrojtje më të mirë kundër varianteve të njohura, ende nuk dihet se sa e efektshme mund të jetë ajo ndaj varianteve që mund të shfaqen gjatë muajve në vazhdim.
Përveç Modernës, edhe kompania tjetër amerikane Pfizer po zhvillon vaksina që do të shënjestrojnë Omicron.
