Kulturë Çfarë po ndodh me Golden Globes? Scarlett Johansson “ka marrë ngacmime”, Tom...

Çfarë po ndodh me Golden Globes? Scarlett Johansson “ka marrë ngacmime”, Tom Cruise kthen çmimet

Scarlett Johansson thotë se ka marrë ngacmime seksuale, Tom Cruise ka dorëzuar që të tre çmimet, ndërsa Mark Ruffalo nuk është krenar që i ka fituar Nbc nuk do ti transmetojë: Çmimet Golden Globes — të dytët për nga rëndësia pas atyre Oscar janë nën sulmin e yjeve.

Çfarë po ndodh?

Tom Cruise ka kthyer çmimet e fituara në Golden Globes si pasojë e problemeve kontroversiale të ndodhura së fundmi me organizatën përgjegjëse për eventin, “Hollywood Foreign Press Association”.

Ylli i filmave fitoi çmimin e aktorit më të mirë në rolin e tij tek “Jerry Maguire” në 1997, “Born on the Fourth of July” në 1990 dhe çmimin “aktori më i mirë në rol jo-protagonist” në filmin “Magnolia” në vitin 2000.

Organizata jo-fitimprurëse, përgjegjëse edhe për Golden Globes akuzohet për mungesë diversiteti, mungesë të njerëzve me ngjyrë si pjesë e saj dhe për disa përfitime ekonomike që janë ende nën vëzhgim.

Nga ana tjetër edhe platforma televizive NBC ka njoftuar se nuk do ta transmetojë eventin e famshëm që vlerëson arritjet në kinematografi dhe seriale televizive, në 2022-in.

“Ne vazhdojmë të besojmë që HFPA ka nevojë për një reformim kuptimplotë. Gjithsesi, ndryshimi do të kërkojë punë dhe kohë, prandaj NBC nuk do ta transmetojë Golden Globes në 2022-in.”- u shprehën përfaqësues të NBC për CNN Business.

Më herët, ka qenë edhe Scarlett Johansson ajo e cila i ka kërkuar platformës të tërhiqej nga pjesëmarrja në evente që sponsorizoheshin prej HFPA, pasi sipas saj kjo ishte një “organizatë e legjitimuar me pëlqimet e Harvey Weinstein.”

Madje aktorja e famshme ka akuzuar se ka marrë “pyetje dhe vëzhgime seksiste nga një pjesë e anëtarëve të Hfpa që i afroheshin ngacmimeve seksuale”.

Disa nga problemet e HFPA-së janë mbajtur sekret për vite me radhë mes personave të brendshëm në Hollywood. Përveç NBC, Netflix, Amazon dhe WarnerMedia kanë bojkotuar gjithashtu organizatën HFPA.