Me emrin “Cinikët” janë quajtur përfaqësuesit e një shkolle filozofike në Greqinë e Lashtë të themeluar në Athinë nga Antisfemi rreth viteve 435-370 para erës sonë.
Antisfeni ka qenë nxënës i Sokratit.
Cinikët karakterizoheshin nga përbuzja e plotë ndaj mirësjelljes shoqërore dhe ndaj kultit të virtytit të kulluar.
Shkolla e Cinikëve kritikonte moralin dhe lakminë e të pasurve dhe u bënte thirrje njerëzve të hiqnin dorë nga teprimet, të kënaqeshin me më të domosdoshmen dhe të mos përfillnin rregullat dhe konvencionet e marrëdhënieve shoqërore.
Përfaqësuesi më tipik i tyre ka qenë Diogjeni (në vizatimin shoqërues), i cili në shenjë proteste pasive ndaj moralit dhe lakmive të pasanikëve, banonte në një fuçi dhe endej nëpër rrugët e Athinës me një llampë në dorë duke thirrur: “Po kërkoj njeriun”.
