Ekonomi Cilat janë dy kartëmonedhat e reja në treg?

Cilat janë dy kartëmonedhat e reja në treg?

Banka e Shqipërisë ka nxjerrë në qarkullim dy kartëmonedha të reja më 17 janar.

Bëhet fjalë për prerjen 500 dhe 2.000 Lekë.

“Të dyja kartëmonedhat vijnë me një dizajn të rifreskuar, por ruajnë të njëjtat motive të paraqitura në prerjet ekzistuese përkatëse,” – thuhet në njoftimin e Bankës së Shqipërisë.

Me këto dy kartëmonedha plotësohet nxjerrja në qarkullim e serisë së re që përbëhet nga 6 prerje, 200, 500, 1.000, 2.000, 5.000 dhe 10.000 Lekë.

Në njoftim bëhej thirrje gjithashtu që të gjithë përdoruesit të jenë të kujdesshëm në mënyrë që të rritet jetëgjatësia e kartëmonedhave dhe të ruhet cilësia e tyre.