Totali i papunësisë i Gjermanisë ra shumë më tepër se sa pritej gjatë shkurtit.
Statistikat treguan ditën e sotme se shkalla e papunësisë në gjermani mbeti në një nivel të ulët, duke rritur pritjet se konsumi privat do të mbështesë rritjen në ekonominë më të madhe të Europës këtë vit.
Shpenzimet e familjeve janë bërë një nga nxitësit kryesorë të rritjes gjatë viteve të fundit, pasi gjermanët përfitojnë nga punësimi rekord të lartë dhe shpenzimet e ulëta të huamarrjes. Numri i të papunëve në Gjermani u zvogëlua nga 21,000 në 2,236 milionë në shkurt, sipas të dhënave nga Zyra e Punës. Kjo krahasuar me parashikimin për një rënie prej 5.000. Shkalla e papunësisë mbeti në 5.0 për qind, më e ulët që nga ribashkimi i Gjermanisë në 1990.
Gjithashtu të dhënat treguan se shitjet me pakicë gjermane u rritën me 3.3 për qind në muajin janar, duke shënuar rritjen më të fortë që nga tetori i vitit 2016. Nga ana tjetër shitjet me pakicë janë një tregues i paqëndrueshëm, shpesh i nënshtruar rishikimit.
“Papunësia e ulët, të ardhurat në rritje dhe normat e ulëta të interesit janë duke mbështetur konsumin dhe ndërtimin e banesave“ -tha Joerg Zeuner, ekonomist në bankën KfW.
Pagat në Gjermani u rritën mesatarisht me 2.9 për qind në vitin 2018 krahasuar me një vit më parë, treguan të premten të dhënat nga Zyra e Statistikave. Ata u rritën më shumë se çmimet e konsumit, të cilat u rritën me 1.8 për qind gjatë të njëjtës periudhë, treguan të dhënat dhe konsumatorët kanë më shumë para në xhepat e tyre për të shpenzuar pavarësisht rritjes së inflacionit.
Ekonomia gjermane ka shënuar rritjen më të dobët në pesë vjet në 2018 dhe një sondazh i botuar të premten tregoi se eksportet e ulëta kontribuan në tkurrjen e dytë të njëpasnjëshme mujore në sektorin prodhues të Gjermanisë në shkurt.
