Policia Kufitare e Hanit të Hotit ka arrestuar një 38-vjeçar, pasi ishte shpallur në kërkim për vrasjen e vëllait të tij, krim i kryer më 23 prill të vitit 2014.
Në pranga përfundoi Mhill Shytani, banues në Shkodër.
Viktima, Kujtim Shytani u deklarua nga familjarët si i vetëvarur, por më vonë në sajë të hetimeve rezultoi se autori i dyshuar ishte i vëllai.
Gjykata e Shkallës së Parë Shkodër ka caktuar masën e sigurisë “Arrest në burg” për 38-vjeçarin, mbi të cilin rëndojnë akuzat për veprën penale “Vrasja për shkak të marrëdhënieve familjare, e kryer në bashkëpunim”.
