Dy herë kampioni i botës, Fernando Alonso, do të rikthehet në Formula 1 me Renault sezonin e ardhshëm.
39-vjeçari spanjoll u largua nga Formula 1 në vitin 2018 dhe aktualisht është duke garuar në Indianapolis 500 me McLaren.
Nga sezoni i ardhshëm, Alonso pritet të jetë shok skuadre me Esteban Ocon, duke zëvendësuar australianin Daniel Ricciardo, i cili do të kalojë te McLaren në fund të këtij sezoni.
Pasi fitoi dy herë 24 Orët e La Manshit, një herë Dajtonën dhe pasi provoi të garojë në Indianapolis dhe Dakar, spanjolli kthehet në Formula 1, ku pritet të qëndrojë deri në vitin 2022.
OFFICIAL NEWS
🏁 Fernando Alonso joins Renault DP World F1 Team 🏁
Renault DP World F1 Team is pleased to confirm Fernando Alonso alongside Esteban Ocon in its driver line-up for the 2021 season.👉 https://t.co/yjnnGHh8Yb #RSspirit @alo_oficial @OconEsteban pic.twitter.com/Qe0WfBazzN
— Renault F1 Team (@RenaultF1Team) July 8, 2020
