Bota Fotot e luftës: Karteli sulmon policinë, lirohet djali i “El Chapo-s

Fotot e luftës: Karteli sulmon policinë, lirohet djali i “El Chapo-s

Një luftë e vërtetë ka ndodhur në një qytet të Meksikës midis policisë dhe një karteli droge të cilët kanë pasur si qëllim që të lironin djalin e “El Chapos” dhe ia kanë arritur.

Ai sapo ishte arrestuar dhe nuk është lejuar që të merrej nga policia, pasi persona të armatosur kanë ndjekur policët dhe i kanë detyruar që ta lënë të lirë.

Ministri i Sigurimit, Alfonso Durazo tha se një patrullë nga policia e militarizuar e Gardës Kombëtare u sulmua fillimisht nga brenda një shtëpie në qytetin e Culiacan.

Pasi hynë në shtëpi, gjetën katër burra, duke përfshirë Ovidio Guzman, i cili akuzohet për trak droge në Shtetet e Bashkuara. Patrulla u tejkalua shpejt nga personat e armatosur, por u tërhoq për të parandaluar humbjen e jetës, tha qeveria. Njëkohësisht, luftëtarët zbritën nëpër qytet, duke luftuar policinë dhe ushtarët gjatë ditës. Ata dogjën automjetet.

“Vendimi u mor që të tërhiqeshin nga shtëpia, pa Guzman, të përpiqeshim të shmangnim më shumë dhunë në zonë dhe të ruajmë jetën e personelit tonë dhe të rikuperohemi të qetë në qytet”, i tha Durazo Reuters.

Drejtori i Sigurisë Publike i Sinaloas, Cristóbal Castañeda, deklaroi për një media vendase se gjatë shkëmbimit të zjarrit kishin vdekur 2 persona dhe ishin plagosur 21 të tjerë, ndërsa avokati i familjes së El Chapo-s, José Luis González Meza, tha se kishte marrë informacione se Ovidio ishte gjallë dhe i lirë, por nuk e dinte vendndodhjen e tij.

Ernesto Martínez, një gazetar kronike në Sinaloa, tha për “New York Times” se beteja kishte nisur rreth orës 15:30 pasdite dhe kishte zgjatur deri në orët e mbrëmjes. Pjesëtarët e kartelit kishin bllokuar rrugën e qytetit duke i vënë flakën disa makinave. Ovidio, bashkë me vëllezërit e tij, besohet se ka rol të rëndësishëm në punët e Kartelit të Sinaloas tashmë që babai i tyre është në burg në Shtetet e Bashkuara. Megjithatë, ai nuk është figura kryesore. Dy vëllezërit e tjerë, Iván Archivaldo Guzmán dhe Jesús Alfredo Guzmán, të cilët njihen si “Los Chapito”-s, ose “Chapo-t e vegjël”, besohet se komandojnë kartelin, bashkë me Ismael “El Mayo” Zambada.