Gjermania ka mundur 5-2 Italinë në Nations League, duke fituar për herë të parë (përjashto miqësoret) një ndeshje ndaj “axurrëve”.
Në 10 përballjet e mëparshme mes tyre në ndeshje zyrtare, Italia kishte fituar 4 herë, ndërsa 6 ndeshjet e tjera kishin përfunduar barazim në 90 minutat e lojës.
Golat për Gjermaninë u shënuan nga Kimmich, Gundogan, Muller dhe Werner (2), ndërkohë që për Italinë shkurtuan diferencat Gnonto dhe Bastoni.
Italia pëson 5 apo më shumë gola për herë të parë që nga viti i largët 1957, kur Jugosllavia e mundi 6-1 në Kupën Ndërkombëtare të Evropës Qendrore.
Ndërkohë, Wilfried Gnonto është bërë lojtari më i ri në moshë që ka shënuar një gol me Italinë. Sulmuesi është vetëm 18 vjeç e 222 ditë, ndërkohë që rekordi i mëparshëm mbahej nga Bruno Nicole, i cili në vitin 1958 shënoi kundër Francës, kur ishte 18 vjeç e 259 ditë.
Ndër ndeshjet më interesante ishin ato të grupit 3 dhe 4 të League A, me Hungarinë dhe Holandën që kanë marrë kryesimet e grupeve përkatëse.
Hungaria ka fituar në transfertë me rezultatin 0-4 ndaj Anglisë, me golat që u realizuan në minutën e 16’ dhe 70’ nga Sallai, në minutën e 80 nga Nagy dhe në minutën e 89’ Gazdag. Me hungarezët që pas këtij takimi marri kryesimin e grupit 3 me 7 pikë, ndërsa Anglia renditet e fundit me 2 pikë.
Holanda ka fituar me rezultatin 3-2 ndaj Uellsit, duke marrë kështu kryesimin e grupit 4 të League A. Golat për “tulipanët” u realizuan në minutën e 17’ nga Lang, në të 23’ nga Gakpo dhe në minutën e 90+4 nga Depay, teksa për uellsianët shënuan Johnson në minutën e 26’ dhe Bale në minutën 90-2’, penallti. Kështu Holanda kryeson grupin me 10 pikë, teksa Uellsi renditet i fundit me 1 pikë.
Ndërsa Polonia është mundur në shtëpi nga Belgjika, me rezultatin që u vulosi nga goli i Batshuayi në minutën e 16’, i cili u dhuroi fitoren belgëve. Pas këtij takimi Belgjika renditet në vend të dytë të grupit 4 të League A me 7 pikë, teksa Polonia renditet në vend të 3-të me 4 pikë.
