Një institucion financiar që merret me dhënie kredish është grabitur mesditën e kësaj të shtune në Tiranë. Ngjarja ka ndodhur në zonën e Brrylit tek filiali i Kredo.al.
Autori pasi ka kërcënuar punonjësit me armë ka marrë një shumë parash dhe ka ikur me vrap në drejtim të rrugës “Bardhyl”.
Në të gjitha hyrje-daljet e Tiranës, janë ngritur pika kontrolli, si dhe janë shtuar shërbimet ku po bëhet krehja e zonës.
Grupi hetimor vijon punën për zbardhjen e rrethanave të ngjarjes, me qëllim identifikimin e autorit.
Mësohet se policia e ka pasur shumë të vështirë që të shkonte në vendngjarje për shkak të trafikut.
