Gruaja që u qëllua për vdekje brenda Kapitolit të SHBA-së, ndërsa protestuesit sulmuan ndërtesën, është identifikuar si veterane e Forcave Ajrore Amerikane.
Ashli Babbit, nga San Diego e Kalifornisë, u qëllua gjatë përplasjeve të dhunshme në Uashington DC dhe ndërroi jetë më pas në spital.
Babbit kishte shërbyer për 14 vjet në Forcën Ajrore dhe kishte kryer katër turne detyre, deklaroi bashkëshorti i saj, i cili shtoi se ajo ishte një mbështetëse kryesore e presidentit Trump.
Para se mbështetësit e Trump të sulmonin ndërtesën e Kongresit, ajo shkroi në Twitter “Asgjë nuk do të na ndalojë” dhe “Stuhia është këtu”.
Ajo ishte e martuar dhe kaloi 14 vjet në Forcën Ajrore të SHBA.
“Asgjë nuk do të na ndalojë … Mund të provoj, por stuhia është këtu dhe zbret në DC për më pak se 24 orë … errësirë në dritë”, shkroi Ashlee Babbitt në Twitter.
Vetëm disa orë para se ajo, së bashku me mbështetësit e tjerë të Trump, të sulmonin Kongresin, Babbit shkroi në Twitter një listë të gjërave “duhet të bëhen para se Kongresi të mblidhet sot”.
“Lista” e saj përfshinte dorëheqjen e Zv.Presidentit Mike Pence dhe padinë ndaj tij për tradhti.
Kujtojmë, gjatë sulmit të mbështetësve të Trump në Kongres, vdiqën katër persona.
