Bota Hiroshima kujton 75-vjetorin e sulmit atomik, kryebashkiaku: Çfarë u tha pas rënies...

Hiroshima kujton 75-vjetorin e sulmit atomik, kryebashkiaku: Çfarë u tha pas rënies së bombës

Një kambanë e madhe u ra këtë mëngjes në Hiroshima në 75-vjetorin e sulmit të parë me bomba atomike në histori, në fillim të një ceremonie përkujtimore nga e cila kryetari i bashkisë u bëri thirrje të gjitha vendeve të refuzojnë nacionalizmin egoist dhe të bashkohen për të luftuar të gjitha kërcënimet.

Për shkak të masave anti-epidemike, hyrja në Parkun përkujtimor të Paqes për ceremoninë përkujtimore këtë vit ishte i kufizuar për të mbijetuarit dhe familjet e tyre.

Duke pasur parasysh rëndësinë e 75-vjetorit të bombardimit, në të cilin u vranë 140,000 njerëz, megjithë epideminë COVID, autoritetet e qytetit, me masa paraprake të rrepta, megjithatë vendosën të mbajnë një përkujtim.

“Më 6 gusht 1945, një bombë atomike shkatërroi qytetin tonë. Në atë kohë, u tha se asgjë nuk do të rritet këtu për 75 vitet e ardhshme, dhe megjithatë Hiroshima u shërua dhe u bë një simbol i paqes”, tha kryebashkiaku Kazumi Matsui.

Qielli ishte i kthjellët më 6 gusht 1945, kur në 8:15 të mëngjesit, bombarduesi amerikan B-29 Enola Gay hodhi bombën atomike Little Boy në qytet, duke vrarë 140,000 njerëz në të njëjtën ditë dhe në javët në vijim.

“Kishte një forcim të nacionalizmit që çoi në Luftën e Dytë Botërore dhe sulmin me bomba atomike. Ne kurrë nuk duhet të lejojmë që kjo e kaluar e dhimbshme të përsëritet. Shoqëria civile duhet të refuzojë nacionalizmin egocentrik dhe të bashkohet kundër të gjitha kërcënimeve”, tha Matsui.