Aktualitet I nxehti afrikan “djeg” Shqipërinë, ja kur nisin reshjet e shiut

I nxehti afrikan “djeg” Shqipërinë, ja kur nisin reshjet e shiut

Ditët e fundit, Shqipëria është karakterizuar me një rritje të temperaturave në të gjithë vendin.

Sipas meteorologëve, vendi ynë është prekur sërish nga masa ajrore të nxehta, që vijnë nga Afrika, çka ka bërë që temperaturat të pësojnë një rritje  të ndjeshme.

Sot pritet të ketë një tjetër rritje, ku temperaturat do të shënojnë deri në 40 gradë celcius, në zonat e ulëta dhe jug të vendit  dhe kështu do të vijojë deri ditën e mërkurë.

Nisur nga këto temperatura, mjekët u bëjnë thirrje qytetarëve, sidomos të moshuarit, ata me sëmundje kronike, por edhe fëmijët e vegjël të bëjnë kujdes, të evitojnë daljet  pas orës 11 paradite  dhe të konsumojnë sa  më shumë ujë.

Ditën e enjte, theksojnë meteorologët, do të nisë të freskojë disi, pasi temperaturat do të fillojnë të bien në mënyrë graduale.

Fundjava që vjen, sipas meteorologëve, parashikohet të shoqërohet me reshje shiu dhe temperaturat do të pësojnë rënie të ndjeshme.