Edhe pse vitet kalojnë, Zlatan Ibrahimovic mbetet i njëjti. Gjiganti suedez ka dhuruar spektakël edhe njëherë tjetër në SHBA.
Ai ishte autor i 3 golave fantastik në fitore 3-2 të skuadrës së tij në derbin Los Angeles Galaxy ndaj Los Angeles FC, që udhëheq edhe kampionatin.
Për t’u veçuar ishte goli i parë i ndeshjes, në të cilin Zlatan shpalosi të gjithë klasin dhe potencialin e tij të jashtëzakonshëm edhe pse në moshën 37 vjeçare.
Me këtë tripletë, Zlatan shkon në kuotën e 16 golave deri tani në kampionat, ndërsa në krye është Carlos Vela me 21 gola.
Pikërisht këtë të fundit ka shigjetuar Ibra në fund të takimit, teksa nuk i ka kursyer edhe kritikat për mediat sportive në Shtetet e Bashkuara të Amerikës.
“Nuk kam punuar gjatë gjithë karrierës, për t’u krahasuar një ditë me Carlos Velan. Bëni një gabim të madh që bëni këtë krahasim, pasi jam futbollisti më i mirë i MLS-së. Sot e patë të gjithë kush ishte më i miri”, tha suedezi, ndërsa deklarata e tij bëri shpejt xhiron e botës.
Major. League. Zlatan.
This hat trick from @Ibra_official 🔥👀 pic.twitter.com/9Ch4XtamvM
— LA Galaxy (@LAGalaxy) July 20, 2019
