Kryeministri Edi Rama i është drejtuar presidentit Ilir Meta se plani i tij me ish-kryeministrin Berisha për bllokimin e vaksinave përmes grevës së kontrollorëve dështoi.
Kreu i qeverisë shkruan se vaksinat e parashikuara do të mbërrijnë sot në vend, ndërsa fluturimet e tjera do të nisin normalisht ditën e nesërme.
“Ilir kam një lajm të keq për ty: Vaksinat vijnë sot dhe fluturimet rifillojnë normalisht nesër! Plani yt me Saliun për bllokimin e vaksinimit e rikthimin e Rrumpallës në prag të zgjedhjeve dështoi! Dokrrat me reflektime e auditime, vazhdoji me Leshkon dhe Leskon në skutat e OFL”, shkruan Rama.
