Edhe pse Barcelona ka bërë blerje të zgjuara shumicën e kohës, ka pasur dhe disa dështime. Njëri prej tyre mund të quhet Andre Gomesh, i cili u ble nga Valencia para tre vitesh për 37 milionë euro.
Momentalisht ai është duke luajtur tek Evertoni dhe po gjen formën e tij më të mirë. Mesfushori portugez është i huazuar në Angli dhe në fund të sezonit do të rikthehet sërish në Spanjë.
Interi është gati të rrëmbejë futbollistin 25-vjeçar dhe e sheh si një opsion shumë të mirë për mësfushën e vet. Në merkaton e verës do të intensifikohen kontaktet për të arritur një akord mes tre palëve.
Kështu Interi duket se po heq vëmendjen nga Rakitiç dhe po sheh me optimizëm rastin e Andre Gomeshit.
