Aktualitet Ish-Blloku, Kombinati dhe Astiri: 3 “zonat e kuqe” të Covid në Tiranë

Ish-Blloku, Kombinati dhe Astiri: 3 “zonat e kuqe” të Covid në Tiranë

“Tirana vijon të jetë vatra kryesore e përhapjes së Covid-19. Zona e ish-Bllokut është një nga zonat me numrin më të lartë të të infektuarve në kryeqytet”.

Ndonëse maska është bërë e detyrueshme në rrugë, sërish ka qytetarë që nuk e zbatojnë. Kur i pyet se përse nuk e respektojnë rregullin, nuk pranojnë të flasin.

Të tjerë e mbajnë maskën poshtë mjekrës. Në Tiranë përveç zonës së ish-Bllokut, janë edhe dy zona të kuqe të Covid.

“Një prej tre zonave të kuqe në kryeqytet është edhe Kombinati për numrin më të lartë të të infektuarve”.

Edhe Astiri me një numër të lartë banorësh vijon të regjistrojë përditë raste me koronavirus.

“Që prej fillimit të pandemisë zona e Astirit vijon të jetë problematike për përhapjen e Covid-19 në kryeqytet. Ajo që vihet re është mosrespektimi i masave antiCovid, kryesisht të mosmbajtjes së maskave”.

Tirana numëron aktualisht mbi 3 mijë raste aktive të konfirmuara duke bërë që për specialistët të jetë një nga vatrat më të nxehta të virusit.

Burimi: Tv Klan