Italia ka njoftuar dënime të ashpra për të parandaluar përhapjen e koronavirusit në vend.
Çdo person që është i infektuar me Covid-19, nëse thyen rregullin e karantinës do burgoset.
Urdhrat e reja, që u miratuan vonë të martën në darkë, përfshijnë:
-Ata që janë testuar pozitiv dhe nuk qëndrojnë në shtëpi, mund të përballen me një deri në pesë vjet burg.
-Gjobat për shkeljen e karantinës rriten nga 400 euro në 3,000 euro.
-Bizneset që thyejnë rregullat për të parandaluar përhapjen e virusit mund të mbyllen nga pesë deri në 30 ditë.
Rregulloret do të rishikohen çdo muaj deri më 31 korrik dhe mund të bëhen më të rrepta, thuhet në dekretin e qeverisë.
Dekreti nuk e zgjat kohën e kufizimeve aktuale, të cilat do të përfundojnë më 3 prill.
Italia, epiqendra e re e virusit, ka regjistruar afro 70,000 raste dhe pothuajse 7,000 vdekje, sipas një raporti nga Universiteti Johns Hopkins.
