Jennifer Lopez dhe dashuria e saj shumëvjeçare, aktori Ben Affleck, u martuan këtë verë pasi rindezën romancën e tyre vitin e kaluar.
Këngëtarja, e cila së fundmi paralajmëroi vazhdimin e albumit në të cilin këndoi për dashurinë e tyre njëzet vjet më parë, ka kujtuar periudhën pas ndarjes së tyre prej kohësh.
Ajo tha se më pas, deri në pajtimin e tyre, nuk pranoi të këndonte këngë nga albumi i saj.
“Ishte kaq e dhimbshme kur u ndamë. Kur e anuluam atë dasmë 20 vjet më parë, zemra ime u thye si kurrë më parë. Sinqerisht, mendova se do të vdisja”, tha këngëtarja në një intervistë të fundit për Apple Music.
Kënga e saj “I’m Glad”, nga ai album, tregon për fillimin e romancës së saj me Affleck dhe Ben u shfaq edhe në videoklipin e këngës “Jenny from the Block”, transmeton Yahoo Entertainment.
Fatkeqësisht, disa muaj pas publikimit të albumit, çifti u nda, por u pajtuan përsëri vitin e kaluar.
