Një makinë ka goditur portën e kancelarisë së Angela Merkelit në Berlin, konfirmoi sot një zëdhënës i policisë pa dhënë detaje të mëtejshme.
Pamjet e incidentit të shpërndara në mediat sociale treguan se policia po kontrollonte një automjet mbi të cilin ishin shkruar parulla politike.
Njëra lexonte “Ndaloni politikën e globalizimit” dhe “Ju vrasës të mallkuar të fëmijëve dhe të moshuarve”, në anën tjetër.
Nuk pati raportime të viktimave dhe nuk ishte e qartë nëse Merkel ishte brenda ndërtesës në momentin e përplasjes, ndërsa dhjetëra policë dhe një makinë zjarrfikëse shkuan në vendngjarje. Shoferi, i cili dukej se i përkiste një moshe të mesme, u mor me një karrocë.
“Ne po vërtetojmë nëse shoferi ka kaluar qëllimisht përballë portës”, tha policia e Berlinit në Twitter. “Ai është marrë në paraburgim.”
Porta metalike e kancelarisë duket se ishte dëmtuar vetëm pak. Fotografitë gjithashtu treguan pak dëmtime në makinë.
Zona para portës nuk është e arritshme për publikun. Policia nuk ka dhënë asnjë informacion zyrtar mbi autorësinë e aktit.