Sport Juventusi, lamtumirë mbrojtjes “së pakalueshme”. Vendos rekord negativ

Juventusi, lamtumirë mbrojtjes “së pakalueshme”. Vendos rekord negativ

Pas Kampionatit Europian të fituar nga Italia dhe pas shfaqjeve mbresëlënëse të axurrëve të Roberto Mancini, u fol me nxitim për një kthim dërrmues të soliditetit mbrojtës të Juventusit, gjithashtu për shkak të emërimit të ri të Massimiliano Allegri në stol.

Kujdesi i Allegrit gjithashtu ka ndryshuar pak, siç e pranoi vetë trajneri i Juventusit në fund të ndeshjes kundër Milanit, në mikrofonat e DAZN: “Përgjegjësia është e imja, bëra ndryshimet e gabuara: më duhej ta bëja skuadrën më mbrojtëse. Mendova se rezultati (1-0) ishte në kasafortë, por gabova”.

A fitohet dot me 1-0, pa i kushtuar shumë vëmendje mbrojtjes së avantazhit? Jo të gjithëve ju pëlqen opsioni i dytë, ai konservator, mos harroni. Allegri u kritikua për një kohë të gjatë, gjatë përvojës së tij të parë te Juve, mbi të gjitha për këtë.

Mbrojtja e Juventusit e përcaktuar si “e padepërtueshme” pas Kampionatit Europian nuk është aq e fortë sa në të kaluarën.

Numrat nuk gënjejnë. Skuadra e Juventusit ka pësuar të paktën nga një gol në 18 ndeshjet e fundit të Serie A, të luajtura që nga 5 marsi i kaluar. Është një “rekord” europian; askush në “top 5” kampionatet evropiane nuk e ka regjistruar këtë shifër.

Vetëm në dy rrethana, Juventusi bëri më keq: më 1955, kur pësoi gola për 21 ndeshje rresht, dhe më 2010, precedenti më i fundit, kur regjistroi një seri prej 19 ndeshjesh me të paktën një gol të pësuar në Serie A.

Kësaj duhet t’i shtojmë një emblematikë tjetër, nëse është e vërtetë që shumë nga fitoret kalojnë përmes mbrojtjes. Ekipi i Allegrit nuk ka arritur ende një sukses të vetëm në këtë sezon të kampionatit. Është hera e katërt që kjo ndodh në historinë e tij. Kjo kishte ndodhur tashmë më 1942-1943, më 1955-1956 dhe më 1961-1962.

Në rastin e parë, bardhezinjtë e përfunduan sezonin në vendin e tretë, pas Livorno dhe Torinos, në të dytin e mbyllën kampionatin të 12-tët. Gjithashtu, më 1961-1962, bardhezinjtë përfunduan të 12-tët. Ky ishte, së bashku me 1955-1956, sezoni më i keq.