Presidenti Ilir Meta ka dekoruar sot katër mundësit e shquar Fuat Brahi, Alfred Bardeli, Shkëlqim Troplini dhe Hysen Omi me Titullin e lartë “Mjeshtër i Madh”.
Mundësit e kanë marrë këtë titull “për veprimtarinë e shquar në sportin e mundjes së lirë, sportist i Klubit sportiv ‘Teuta’ dhe Ekipit Kombëtar. Sportist kampion dhe trajner i rezultateve në arenën kombëtare dhe ndërkombëtare.”
Meta në ceremoninë e mbajtur në presidence theksoi se katër mundësit janë vlerësuar për rezultatet e tyre dinjitoze që kanë bërë histori në sportin e mundjes, brenda dhe jashtë vendit.
“Mjeshtra si Fuat Brahja, Alfred Bardeli, Shkëlqim Troplini dhe Hysen Omi, na kanë dhuruar emocione e rezultate, me të cilat gjithmonë ndjehemi krenarë”, tha kreu i shtetit.
