Aktualitet Katër viktima nga Covid-19, humb jetën 43-vjeçari nga Kavaja

Katër viktima nga Covid-19, humb jetën 43-vjeçari nga Kavaja

Është shënuar viktima e katërt nga koronavirusi në Shqipëri. Ministria e Shëndetësisë ka njoftuar se mëngjesin e sotëm ka humbur jetën një 43-vjeçar nga Kavaja.

“Gjatë mëngjesit të sotëm ndërroi jetë një pacient 43-vjeçar i shtruar në spitalin Infektiv, i konfirmuar me COVID-19, i cili ndodhej në terapi intensive.

Pas rëndimit të gjendjen gjatë mbrëmjes, 43-vjeçari nga Kavaja është vendosur në frymëmarrje të drejtuar (respirator) për disa orë, por pavarësisht përpjekjes së mjekëve, nuk ka mundur të mbijetojë.

43-vjeçari nga Kavaja, përpos obezitetit nuk kishte sëmundje bashkëshoqëruese, bën me dije Ministria.