Sport Kathryn Mayorga tërheq denoncimin, Ronaldo merr frymë lirisht

Kathryn Mayorga tërheq denoncimin, Ronaldo merr frymë lirisht

Përfundon makthi për Cristiano Ronaldon në lidhje me akuzat për përdhunim. Nga Shtetet e Bashkuara vjen lajmi se është mbyllur përfundimisht historia e një përdhunimi të mundshëm të Kathryn Mayorga-s nga CR7.

Sipas “Bloomberg”, mësuesja, që në vitin 2018 hodhi akuza të rënda ndaj portugezit për dhunë seksuale, e ka tërhequr denoncimin me vullnet të plotë.

Nuk dihet nëse mes palëve ka patur një marrëveshje (CR7 mund ta ketë paguar për tërheqjen e denoncimit), por tashmë është e sigurt që Ronaldo do të jetë i fokusuar vetëm në fushën e blertë, teksa në mbrëmje do të jetë pjesë e përfaqësueses luzitane në përballjen me Zvicrën në gjysmëfinalen e Nations League.