Sport Komenti për Dybalan, Edi Rama hap debat mes tifozëve në Itali

Komenti për Dybalan, Edi Rama hap debat mes tifozëve në Itali

Kryeministri Edi Rama njihet si tifoz i thekur futboll. Njihet si tifoz i Juventusit në Serinë A, por në daljet e tij në publike nuk ka ngurruar të shfaqë simbole të të skuadrave të tjera të mëdha europiane në veshjet e tij (Bayern, City…).

Së fundmi, Rama, në një intervistë për gazetën torineze “TuttoSport”, ka dhënë mendimin e tij edhe për Dybalan (vendosi të largohej nga Juventusi), për të cilin është shprehur: “Ndoshta ka të drejtë kushdo që thotë se Dybala është mbivlerësuar”.

Një citim (me Edi Ramën në sfond) i hedhur në rrjetet sociale nga “GOAL Italia”, që i jep peshë mendimit të Kryeministrit të Shqipërisë.

Komentet janë të shumta dhe me shumë ngjyra. Shumë i japin të drejtë, të tjerë ironizojnë, duke thënë se ndoshta duhet pyetur edhe presidenti ukrainas Zelenesky.

Nuk mungojnë as komentet e tifozëve shqiptarë, që thonë se “tani është bërë ekspert futbolli” dhe “ky i di të gjitha”.