Banorët e një qyteti rus në arkipelagun arktik, Novaja Zjemlja (Toka e Re) do të pranojnë mbrojtje ushtarake kundër një fluksi të arinjve të uritur polarë.
”Qyteti Belushja Guba aplikoi një regjim të situatave emergjente në javën e fundit, sepse mbi 50 arinj polare kanë hyrë në zonat e banimit”, sipas administratës lokale.
“Është e pamundur të ikësh nga një ari polar!”, theksoi administrata në një deklaratë.
Për shkak të një deficiti ushqimor, arinjtë polare mund ta kthejnë vëmendjen tek çdo burim i mundshëm ushqimor, duke përfshirë qeniet njerëzore.
Raportet theksuan se fushat e akullit që tradicionalisht siguronin baza natyrore të gjuetisë për arinjtë u shkrinë nga temperaturat relativisht të larta.
Ushtria tha se do të mbronte banorët lokalë kundër arinjve me “sjellje agresive”.
