Aktualitet Kush është “koka” e grupit dhe si u kap banda e gjobvënësve...

Kush është “koka” e grupit dhe si u kap banda e gjobvënësve në Tiranë

Në 2 gusht të këtij viti policia arrestoi dy persona me akuzën e gjobvënies.

Njëri prej të arrestuarve, i njohur edhe si koka e grupit është Edmond Gecaj. Grupi i tyre vendoste gjoba në Tiranë dhe zona të tjera duke përfituar nga ky aktivitet shuma të konsiderueshme.

Ndërkohë, gjatë ditës së sotme është arrestuar edhe një tjetër anëtar i kësaj bande. 35-vjeçari V.U i lindur në Tropojë u arrestua sëfundmi në kryeqytet me të njëjtën akuzë.

Por aksioni i policisë ku ra ne pranga 35-vjeçari është në vijim të operacionit “Përsëritësit“ për goditjen e veprimtarisë kriminale në fushën e gjobëvënies.

Koka e grupit të gjobëvënësve është identifikuar si shtetasi Edmond Gecaj rreth 30 vjeç.

Ky person nuk është emër i panjohur për Policinë e Shtetit, pasi në marsin e vitit 2016, ai së bashku me personin me iniciale S.M, tentuan të vrasin me thikë presidentin e klubit të Korabit, Fehmi Mëziu, por ndërhyrja në kohë e Policisë shmangi ngjarjen e rëndë.

Policia bën me dije se nga hetimet e deritanishme, dyshohet se pjesëtarët e këtij grupi të strukturuar kriminal në bashkëpunim me njëri-tjetrin në periudha të ndryshme kohore, janë autorë të disa rasteve të shtrëngimeve me anë të kanosjes për dhënie pasurie në qytetin e Tiranës.

“Këta shtetas dyshohet se i kanë vendosur gjobë 12.000 euro një shtetasi, të cilit i kanë marrë 7.500 euro”, tha Policia.