Sport LuLa, dueti pa frena. Të paarritshëm në Itali, të dytët në Europë

LuLa, dueti pa frena. Të paarritshëm në Itali, të dytët në Europë

“LuLa” është top. Në “San Siro” derbi foli për zikaltrit, një akt i rëndësishëm forcë për Interin që fluturoi në +4 pikë karshi Milanit, në atë që është njëlloj skice e arratisjes për “Scudetto”. Lukaku dhe Lautaro, Lautaro dhe Lukaku: renditja mund të ndryshojë, por shumatorja është gjithmonë e njëjtë. Në këtë rast është 30, si golat e shënuar në kampionat nga të dy (17 nga belgu, 13 nga argjentinasi). Askush nuk i konkuron në Itali, aq sa “tandem” i dytë më pjellor (Muriel + Zapata) është në kuotën e 23 golave, shkëputur nga shtatë hapa largësi.

Çiftet më “pjellorë” në Itali:

Lukaku (17) + Lautaro (13) = 30 gola

Muriel (14) + Zapata (9) = 23 gola

Ronaldo (16) + Chiesa (5) = 21 gola

Po në Europë? Atje, historia është paksa e ndryshme: “LuLa” gjithmonë në krye në Itali, zënë vendin e dytë të podiumit në kontinent; pas Lewandowski dhe Müller, në gjendje të shënojnë 36 herë. Këtu, megjithatë, kredia shkon në masën 72% te polaku, që ka realizuar 26 gola, krahasuar me 10 gola të gjermanit.

Çiftet më “pjellorë” në Europë:

Lewandowski (26) + Müller (10) = 36 gola

Lukaku (17) + Lautaro (13) = 30 gola

Mbappé (16) + Kean (10) = 26 gola

Duke marrë parasysh vetëm historinë e Interit, Lukaku dhe Lautaro i nënshtrohen një dueti tjetër të ëmbël: Angelillo dhe Firmani janë të paarritshëm, me 41 gola pas 23 ndeshjeve në sezonin 1958-1959, por ky ishte një tjetër futboll, aspak i krahasueshëm me hollësitë aktuale taktike.

Nga ana tjetër, ky futboll ka vulën e qartë të “LuLa”, mbi të cilin Interi po ndërton themelet e tij: tani për tani, ai është i kufizuar vetëm në Itali, duke pritur të kthehet për ta ngritur zërin e fortë edhe jashtë kufijve italianë.