Kulturë Lulet e para kanë çelur … 180 milionë vite më parë

Lulet e para kanë çelur … 180 milionë vite më parë

Lulet e para mbi Tokë kanë mbirë 50 milionë vite më pra nga se mendohej, në epokën e Xhurasikut.

Sythat e para përkojnë me rreth 180 milionë vite më parë, sipas një studimi të publikuar në revistën shkencore “eLife” nga grupi i institutit kinez “Nanjing”, të koordinuar nga Qiang Fu.

Ky studim është bazuar në analiza të bëra mbi mbetjet fosile të zbuluara në Kinë, në rajonin lindor të Nanjingut.

Shkencëtarët kanë studiuar në veçanti, 264 lloje të ndryshme, mes të cilave kanë gjetur fosile që përkojnë me 180 milionë vite më parë dhe që janë të llojit angiosperma, një lloji bime që riprodhohet falë luleve.

Studiuesit e kanë quajtur këtë bimë “Nanjinganthus dendrostyla”, sipas emërtimit të rajonit kinez ku është gjetur.