Në fillim Franca dhe pastaj Argjentina. Në fillim Kilian Mbappe dhe pak orë më pas Lionel Medsi. Mbrëmja e së shtunës ishte një mbrëmje yjesh në Katar, mbrëmje rekordesh për këta dy futbollistë.
Mbappe firmosi suksesin kundër Danimarkës me një dopietë, duke çuar Francën në 1/8-at e Botërorit. Ai njëkohësisht arriti dy rekorde personale. Së pari barazoi rekordin e Pelesë. Si ‘O Rei’, sulmuesi i PSG-së ka shënuar 7 gola në Botërorë pa mbushur 24 vjeç.
Dhe këta 7 gola kanë bërë që Mbappe të kalojë Thierry Henry (6) në klasifikimin e ‘bomberave’ të të gjitha kohërave të Francës. Përpara është tani vetëm Just Fontaine, në kuotën e 13 golave.
Për Lionel Messin, goli ndaj Meksikës është i 8-i në Kupën e Botës. Ai ka barazuar Diego Armando Maradonën me të njëjtin numër golash (8) dhe të njëjtin numër ndeshjesh në Botërorë (21). Me fanellën e Argjentinës përpara është tani vetëm Omar Gabriel Batistuta, me 10 gola.
