Spanjolli dhe portugezi janë dy elementët më vendimtarë. Nga të dy kanë ardhur 12 nga 22 golat e shënuar deri tani. Asnjë si ata në Europë. Cuadrado, mbreti i asisteve
Te Juventusi i trajnerit Pirlo gjithçka sillet rreth Ronaldos dhe Moratës. Numrat e 12 ndeshjeve të para të sezonit, midis kampionatit dhe Champions flasin vetë. Portugezi dhe spanjolli, lojtarët kryesorë në ekonominë e lojës dhe “terminalet vdekjeprurëse”, janë liderët bardhezinj.
Në të gjitha pikët e fituara deri më tani nga bardhezinjtë, si në shtëpi, ashtu edhe jashtë kufijve kombëtarë, ka dorën njëri ose tjetri, në gjendje të japin kontributin e tyre edhe në aspektin e asisteve. CR7 tërheq grupin në kampionat, ku tashmë ka 8 gola në vetëm 5 ndeshje; ndërsa spanjolli ka një zë të fortë në Europë, ku ka shënuar 5 herë në 4 ndeshje. Kushdo që kishte dyshime për mospajtueshmërinë e tyre u refuzua shpejt.
Firma e tyre- Nga 22 golat e shënuar deri më tani nga bardhezinjtë, 16 janë punë e Ronaldos dhe Moratës, të përpiktë në vendosjen e nënshkrimit të tyre edhe në fitoren në shtëpi kundër Ferencvaros, e cili projektoi kalimin në raundin tjetër të Champions-it. Përkundër skepticizmit fillestar, kryesisht si rezultat i kujtimeve që datojnë nga periudha në të cilën ata ishin shokë skuadre te Real Madridi, portugezi dhe spanjolli kanë treguar se ata e kuptojnë njëri-tjetrin mrekullisht. Në fushë, të dy e kërkojnë njëri-tjetrin, e gjejnë njëri-tjetrin (shih asistin e shkëlqyer të Morata për CR7 kundër hungarezëve) dhe mbi të gjitha shënojnë në mënyrë të përsëritur.
Dyshja mbretërore– Numrat në dorë, Morata-Ronaldo është sot çifti më vendimtar i golave në të gjithë Europën. Golat e të dyve përfaqësojnë pothuajse 75% të totalit të atyre të shënuar nga Juve. Asnjë duet tjetër sulmuesish nuk ka një peshë specifike të ngjashme. “LuLa” (me rreth 63% të totalit të golave të shënuar nga Interi) dhe dyshja Son-Kane, që shërbejnë Mourinho (afër 60%) janë më afër.
Sekreti i tretë- Me një Ronaldo vendimtar dhe udhëheqës në kampionat, Juventusi po shijon edhe Morata, që frymëzohet veçanërisht në netët europiane. Por ka edhe një element të tretë, që deri më tani ka qenë themelor: Juan Cuadrado, njeriu që shërben shokët e tij të skuadrës. Pesë asiste kanë ardhur nga kolumbiani deri më tani, dy të fundit në fitoren kundër Ferencvaros. Pas tij, në këtë kuptim, ekziston zbrazëtia… Nxitja dhe këmbëngulja e kolumbianit në të djathtë (në partneritet me Danilo) po provon të jetë thelbësore në mbështetjen e dy sulmuesve përpara, deri tani arma autentike e trajnerit Pirlo.
