Bota “Mund të shkaktohen dëme për Kosovën”, Erdogan letër Kurtit për ambasadën në...

“Mund të shkaktohen dëme për Kosovën”, Erdogan letër Kurtit për ambasadën në Izrael

Kryetari i Lëvizjes vetëvendosje, Albin Kurti, ka marrë ditët e fundit letra urimi nga lider të ndryshëm botërorë pas fitores së tij në zgjedhje.

Tashmë Kurti pret që të bëhet Kryeministër dhe do t’i duhet që të marrë disa vendime të rëndësishme. Një prej vendimet të rëndësishme që Kurti e ka deklaruar se do e marrë kur të vijë në qeveri është dhe hapja e ambasadës së Kosovës në Jerusalem dhe jo në Tel Aviv.

Për këtë gjë Kurti është përgëzuar nga Kryeministri i Izraelit, Beniamin Netanjahu, por kjo gjë nuk i ka pëlqyer Presidentit të Turqisë, Rexhep Tajip Erdogan.

Netanjahu në letrën e tij ka uruar Albin Kurtin, derisa ka theksuar se e mirëpret në Izrael për ta inauguruar Ambasadën e Republikës së Kosovës në Jerusalem.

Nga ana tjetër Rexhep Tajip Erdogan shkruan se mirëpret qëndrimet e partisë që drejton Albin Kurti, se do të shqyrtohet vendimi i Kosovës për vendosjen e Ambasadës në Jerusalem, por shton “se do të ishte e dobishme që të shmangej një hap të tillë, i cili mund t’i shkaktonte dëme të mëdha Kosovës”.

Letra e Erdogan

Tashmë çështja e ambasadës së Kosovës në Izrael është një nga sfidat më të mëdha të qeverisë së Kurtit dhe duket se do të ketë një rëndësi po aq sa dialogu me Serbinë.